Os editores de notas que veñen xa instalados nos dispositivos adoitan ser bastante parcos en deseño e funcionalidades, polo que sempre é de agradecer un aplicativo como Omni Notes cun agradable deseño e cun funcionamento moi sinxelo. Consta dun menú lateral desde onde xestionar as notas, as etiquetas e os recordatorios, e entre as opcións dispoñbles cabe resaltar a posibilidade de anexar todo tipo de ficheiros.
Tan sinxelo é de usar que nin solicita a creación dunha conta nin inclúe (de momento) a opción de acceder co nome de usuario de terceiros. Un aplicativo, en definitiva, que é para o que é: tomar notas, telas a man no momento necesario.
Resulta tamén de obrigada mención o completo titorial, a modo de introdución de benvida, de que dispón e que se pode consultar tantas veces como se desexe.
De non se instalar en lingua galega, o idioma múdase en Axustes –> Preferencias –> Interface –> Idioma.
Está en galego!? 