Xogos clásicos que deixan o plástico e a madeira para encheren a pantalla dos dispositivos… Acabouse o de perder as fichas ou andar detrás das crianzas para que as recollan. Cos seus fans e os seus detractores, ese, en todo caso, semella ser o sino dos tempos. É a vez de Catro en liña, Conecta 4… pois as denominacións son case tantas coma versións hai na Google Play.
FourInARow (4 en liña) é unha desas versións: 5 niveis de dificultade (Principiante, Normal, Avanzado, Experto e Gran mestre), posibilidade de desfacer o último movemento, xogador contra xogador ou contra a máquina (aquí denominada IA)… e todo cunha música marchosa e pegañenta (con opción de silenciala no caso de que nos bouree moito a cabeza). Ollo cos niveis e con quen inicia cada partida, no nivel superior a dificultade cualíficase como “extrema” no caso de comezar segundo.
O xogo descargarase en lingua galega para aqueles dispositivos Android que a teñan como lingua de interface.
Está en galego!? 