Comeza a quentar o sol e se cadra é bo momento para comezar coa operación biquini. Todo un clásico sen dúbida. Perder peso, enfraquecer, adelgazar, enmagrecer vaia. Como facelo xa é cousa de cadaquén, mais para ir levando conta dos avances e retrocesos velaquí unha aplicativo xeitoso e sinxelo: Best Weight Manager.
Contén todo o que fai falta: unha interface limpa, un método sinxelo para introducir as pesadas, posibilidade de recibir recordatorios para non esquecer pesarse, cálculo do índice de masa corporal en función dos datos inseridos (estatura, idade e xénero), evolución do peso etc. Mesmo compartir o ditame da báscula polas redes sociais…
Haina en versión de balde e de pagamento (sen publicidade).
Ah, e está en galego (para aqueles aparellos Android que dispoñan del).
Está en galego!? 